再見了~~大隻B~~

希望在他方的你生活安好~~一路好走啦....

Read More

2011 塔斯曼尼亞自駕之旅 (7)(Day 3 28/10/2011)

好…來到塔斯曼尼亞第二日，起身執返晒D眼耳口鼻之後就要去整早餐喇。之後就落去廚房個雪櫃到攞返我哋D糧食喇(住係呢D Hostel可以將D食物放係個公家雪櫃到，但係記得寫低你住嘅房號同個名同埋住到幾時，唔係就會俾人當垃圾咁掉咗架啦~~)。

我哋就係住係6號房啦..

公家廚房，都幾大下 

洗衫房 

因為今日就諗住去Mt Field National Park行山嘅，所以順便要整埋個Lunch，今日整嘅嘢係烚蛋同埋完全唔洗煮嘅三文治~~有ham加煙三文魚再加埋D新鮮嘅蕃茄，最重要就係要加埋個千島醬，飲品就係呢個芒果汁(原來一路都無同呢支芒果汁影過相添)，呢個就係我哋Today Special啦~~
   
整早餐ing.... 
整完早餐就要落去入錶，因為08:30~18:00呢個時段係要收錢，所以就要入返一個鐘先得 !!

食完早餐9: 30 a .m.我哋就出發啦~~

由Hobart市去Mt
Field National Park車程差不多要個半鐘，今日個天氣就陰天，去目的地嘅重有落下雨添呀~~
 
Mt Field National Park

呢到當時都幾凍下，可能係因為天陰陰又有霧霧雨嘅關係呱 

我哋大約11:00到咗呢個Mt
Field National Park，去Tasmania嘅National Park係要俾入園費，佢哋攞呢D錢主要用來用返係保育返D郊野公園嘅嘢上面嘅，架車都要俾泊車費，每次係要俾AUG$24(除咗 Cradle Mountain外，唔係唔洗俾，埃唔同價錢啫)~~之後係網上面搜索咗一輪嘅資料，發現咗佢哋National Parks Passes入面有一張叫 Holiday Pass，有效期係8個星期包一架車連8個人嘅收費，而收費只係AUG$60~~即係話我去三個National Park 就已經回本，計下數其實我哋應該會去到三個National Park。咁究竟Tasmania有幾多個 National Park呢? 係有19個嘅，詳細去呢到睇下啦 Tasmania
National Parks。


AUG$24 Parking Fee  

不過呢張 Pass 係唔包 Tahune
Airwalk (呢個就係呢個一個團體管理嘅)同埋Port Arthur (呢個係Historical Site) 嘅入場費嘅~~(詳情可以睇下佢哋嘅 Frequently Asked Questions)

係 Visitor Center 到買咗張 Pass 個職員重幫我哋整咗D雙面膠紙係張泊車証到，可以將佢直接黐係架車嘅擋風玻璃到~~好啦~~準備好晒D嘢就要出發，我哋嘅第一站就係 Russell Fall~~

Read More

2011 塔斯曼尼亞自駕之旅 (6)(Day 2 27/10/2011)

俾完錢就返返去Narrara
Backpackers Hostel到攞返件行李去Hobart Hostel啦，頭先其實都無睇清楚呢一間 Hobart Hostel嘅環境，呢一間個廚房大過Narrara Backpackers Hostel個間，又有洗衣房啦同埋都係有免費Wifi嘅~~但就係無得泊車~~安頓好咗D行李之後，我哋就休息咗一陣，睇真D間房其實都幾有D監獄風雲Feel…經我哋商議後我哋覺得係要送返D嘢俾頭先個女仔先得，於是就送D士多啤梨俾佢喇!!

我哋架車重泊咗係Narrara
Backpackers Hostel門口到，因為我哋都要出去買今晚嘅晚餐，就返去攞車同埋送D士多啤梨俾個女仔，順便問下佢附近有D咩食，同埋附近邊到有超市。開頭佢都唔要D士多啤梨，但係我就係都要送俾佢，佢誠情難卻下就收咗D士多啤梨，重介紹邊到又嘢食同埋邊到有超市…重有就係我問下佢可唔可以泊架車係佢哋到，佢都話無咩問題，不過就要視乎有無位而定~~

問好晒D嘢，我哋就出發去搵Supermarket啦，係個GPS到篤咗大約位置就揸去睇下，間超市離我哋間Hostel其實都係5分鐘車程內到，第一次搵唔到又兜返轉頭，兜返轉頭又唔見喎…再兜多次先見到咋，呢一間超市都幾大間，係Tasmania有兩間大超市，一間係Woolworths，而另外一間就係Coles，今次我哋係去Woolworths~~

我哋入到去視察下有D咩要買，同埋今晚食D咩嘢~~行咗一輪，買咗D嘢食同埋飲料，重有就係呢幾日嘅早餐食嘅嘢啦，而今晚就唔整嘢食住，就買咗一隻烤雞來做晚餐，再加埋先前摘嘅士多啤梨做飯後甜果~~

買完嘢就揸車返去Hostel到啦，其實呢一間Hostel出面係有D錶位，係星期一至六由09:00~18:00係要俾錢嘅，而之後當然係唔洗俾錢啦，重又就係附近有其他錶位但係收費又唔一樣個喎~~~唔理咁多，返到去Hostel門口咁啱又有個位喎，隨後個幾日我哋都係泊係呢一個位，呢個位好似俾我哋專用咁，哈哈~~~

講返個晚餐隻烤雞先，呢一隻雞其實入面係有D飯，隻雞味道都唔錯，但係呢~~~係無肥肉架，不過佢又唔鞋口個喎…啖啖肉再加埋D飯，兩個人都食唔晒，食完嘢就上下網搵返D景點資料準備聽日嘅行程，之後就沖涼瞓覺 !!

晚餐隻烤雞

有無D監獄風雲Feel

呢個廁所好重要呢...

簡單但已經好正嘅廁所

Read More

2011 塔斯曼尼亞自駕之旅 (5)(Day 2 27/10/2011)

睇完呢個 Richmond區，我哋就直驅去 Hobart 市今晚嘅住宿 Narrara Backpackers
Hostel。沿路去呢個Hobart市嘅路都見到有幾間酒莊係路旁，面積都幾大下添喎，不過我哋首先要去咗Hostel到Checkin先~~~

Hobart市

呢一間 Hostel 我都搵咗幾耐下，又要價錢平(因為我哋要連續處4晚咁多)又要有位泊車，重要位置方便。睇咗好多間先搵咗呢一間，重同館住貓來貓去咗幾次~~最後就Confirm係Hobart住呢架啦…

因為先前係香港已經Set好晒今次所有嘅住入個攪鬼GPS入去，好快就搵到個間Hostel。不過其實佢唔係好顯眼，要好留心先見到~~~入到去得一個人坐係到，重以為佢係負責人，點知原來唔係，個Reception就要成16:00先有人~~原來個館住一早已經將條鎖匙放咗係個郵箱到，好在我哋以為係負責人幫我哋攞出來。

Narrara Backpackers Hostel

Narrara 入面個樣


攞咗匙，我哋就去攞房喇~~~點知一開門，咦~~點解淨係得張床嘅，無廁所嘅~~~大鍋!!! 於是乎就問下個個疑似負責人喇，但係佢話唔清楚呢Ｄ嘢要等真係負責人嘅人返來先問到，重叫我哋自己打電話去問一問喎~~就唯有等個館主返來問清楚啦~~係等嘅期間就周圍睇下間Hostel嘅環境同埋睇下如果真係無有廁所嘅房可唔可以接受到呢~~睇過下廁所同房嘅距離都幾遠下，下下都要走出來都幾麻煩! 呢一間有廚房、洗衣間同埋一個泊到大約3~4架車嘅停車場，如果泊滿咗的話可以泊係Hostel對出門口位置，重有就係有免費Wifi…

睇完就繼續等呀等~~等到差不多成16:30 Reception先有人返，係個女仔來嘅。

於是就將個問題同佢講重問下佢哋有無D有廁所嘅房，但係佢其實係館主個女來嘅，佢都要打電話問下佢亞爸~~經過一輪嘅電話，佢哋係有一間房有廁所，係六人房來嘅，但係4日裡面就有其中兩日已經租咗俾人啦~~~噢 !! 咁點算呢 ?! 今晚咪無有廁所嘅房瞓 !! 之後個個女仔又打電話，原來佢係打俾館住，之後又幫我哋打去問下附近嘅一間 Hostel有無房係有廁所可以俾租俾我哋，又好好彩有一間房可以租俾我哋喎…個間Hostel叫 Hobart Hostel，就係呢間 Narrara Backpackers Hostel行前大約150m到啦~~個女仔就叫我去睇下間Hostel D房先，睇下又無問題~~~

於是我就行去睇下間Hostel同埋睇下D房得唔得啦，去到同個館主聯絡咗，然後就去睇下間房啦，呢一間房係Family Room，基本上可以瞓到5個人，最重要係有廁所嘅~~oh yeah~~解決咗呢個大問題啦，但係其實諗諗下呢一間我先前都係網都搵過下，無Book佢嘅原因係因為無得泊車，咁呢幾日泊車問題點算呢 ? 不過都唔理住先啦，呢一間房租盛惠係AUG$78/night，原先個間就係AUG$60/night，但係都係個句啦，可以搵到真係幾好好彩啦，同埋有一個熱心嘅人幫咗我哋~~呢一次真係出路遇貴人啦，無幫佢哋租房重可以幫我哋搵到間有廁所嘅Hostel住嘅~~

Hostel Reception

Hostel 大廳

Hostel Outlook

Read More

2011 塔斯曼尼亞自駕之旅 (4)(Day 2 27/10/2011)

我哋嘅下一個景點就係係 Sorell 附近嘅 Richmond 入面嘅一條橋，叫做 Richmond Bridge(1823)，一條係澳洲最耐歷史嘅橋，重要由囚犯起個喎~~

去到呢個景點其實都係影下相睇下橋咁，又見到有Ｄ人係河邊到野餐，真係幾寫意~~但係其實都幾凍個喎…

影完相見到附近有間教堂，就行去睇下啦~~行近Ｄ睇又幾靚喎，例牌動作，影相啦。搵下Ｄ資料先知原來呢一間叫 St John’s Catholic
Church，係澳洲最耐歷史嘅教堂，建於 1836年。
睇完我哋就要去今晚嘅住宿到 Check in 啦，呢一間住宿我哋一連住四晚咁多~~~

Read More

2011 塔斯曼尼亞自駕之旅 (3)(Day2 27/10/2011)

好，終於都正式出發去我哋第一個景點啦…開始我哋呢個15日嘅塔斯曼尼亞之旅~~~咦~~~點解唔見咗個景點個 List嘅，噢~~無印到出來添，唔緊要好在電腦入面有啫，開電腦可以攞返。

我記得係機場附近就係個士多啤梨場，去 Sorell 個區應該會搵到，咁就入 Sorell…

 

一開始個GPS又想老點我，佢指條路係兜返轉頭嘅，同路牌指嘅唔同，用咗佢咁多次重唔知佢係點咩，於是我就跟返路牌出大路先，行無耐亞GPS老兄就指返正常嘅路行啦….

 

之後行行下就見到另外一個旅行團都會去嘅景點， Barilla
Bay Tasmania，佢有個蠔場、餐廳同埋有個買蠔同其他海鮮嘅商店。個蠔場係可以參觀，但係只有星期一一場。

 

我哋見都差不多成十二點喇，於是就去睇下有無嘢食啦，去到佢哋又未開門喎，因為佢哋真係十二點先開檔呢~~於是乎，就上車開腦睇下附近有Ｄ咩其他嘅景點。一開部腦，打開個file，咦…唔多似樣喎，好似係德國個個來個喎，再搵清楚Ｄ~~oh…no…找錯咗添~大鑊~~無晒Ｄ景點資料添~~好在重有個行程Schedule係手，重有List咗Ｄ景點個名，詳細資料就係另外一個file到…算~~去到邊睇到邊，基本上係機場攞嘅都係Ｄ資料可以去到，再睇下GPS老兄入面有無Ｄ景點介紹，加埋去每個Town嘅Information Centre 就應該攪掂 !!

無資料就唔理佢喇，話晒都搵過下都有少少印象嘅，攪下呢樣攪下個樣就到咗十二點啦。於是我哋就去開餐先，入到餐廳都重未有人係到食，不過其實先前都已經見到有人係露天茶座嘅地方到開緊餐，可能佢哋係外賣然後就係出面食都唔定~~~

未Order前個 Waitress 就攞咗支凍水來俾我哋，嘩~~家下凍到死重整支凍水來喎~~睇下個Menu，就叫咗個蠔食下先Natural
Oyster再加個我哋以為係焗蠔嘅，點知一隻蠔都無嘅餐 !! 講下Ｄ蠔先，都幾滑同埋感覺好 Creamy ，無係香港食嘅腥味，好正~~另外一個餐開頭以為俾人滾咗，原來又幾好食個喎，入面幾樣海鮮都好好味，雖然食唔到焗蠔，但係都唔錯呀~~食食下都開始多人來食Lunch喇~~我哋食完就走人啦~~

Natural Oyster

唔知咩咩Kalpatrick xxxxx…

出面就係佢哋個蠔場…

食飽飽，就去我哋本來去嘅景點啦，就係 Sorell Fruit Farm，呢個 Farm 位於 Sorell ，去做咩呢 ? 就係去摘士多啤梨囉，網上面Ｄ人重話可以一路扎一路食添呀~~去呢個景點途經一間超市喎，我哋就去入貨，買D洗頭水、護髮素、Body Shampoo同埋水呀，重有少少零食。

AUG$6 一兜...

幾大粒...

呢到要俾入場費，多謝每位要 AUG$6 呀~~會俾一個膠兜你摘士多啤梨，只可以放滿個兜而可以閂到個兜，如果唔係多咗要另外計錢~~本來想淨係俾一個人嘅費用要一個兜就夠，不過係唔得，要入去就要俾錢，不過好在係咁，因為Ｄ士多啤梨實在係好好食呀~佢入面有唔同嘅品種，我個人比較鍾意細粒個Ｄ，粒粒都又甜又好食果肉有比較有咬口，同埋Ｄ味比較特別Ｄ。而大粒個Ｄ都好甜，但係就比較軟身Ｄ，無咁好咬口，味道就比較一般~~~我哋都
摘 咗幾耐下先扎到兩個兜滿晒 !! 
摘 完就係佢個露天茶座到即場食下先~~嘩~~真係係香港用咁嘅價錢食唔到Ｄ咁好食嘅食士多啤梨呀~~本來諗住之後再來過呢個場再
摘 過，但係最後都無再
摘 過~~呢個Farm除咗可以
摘 士多啤梨之外，係唔同嘅季節會有唔同嘅生果
摘 架~~重有佢哋入面重有間Café可以俾你係入面食下Cake飲下嘢咁架 !!

就係到任你
摘 啦...

幾大粒

哈哈，滿載而歸

咪講笑，食返粒先...

睇返都留口水...香港食唔返啦..嗚嗚~~

摘完士多啤梨我哋就去附近嘅另外一個景點啦~~

Read More